三上悠亞自去年從AV界引退之後，就專心做網紅經營社交媒體，事實上擁有375萬IG Followers嘅佢，亦算係日本嘅頂級KOL之一。而且更難得嘅係，即使係靠男性向作品成名，但佢嘅女粉比例出奇地高，所以三上悠亞亦不停推出面向女粉嘅個人品牌及週邊。例如上個禮拜佢就推出新書《かわいいのヒント 今日の私を一番好きになれる美容法75》，教大家點樣變到佢咁可愛！

根據官方介紹，呢本新書其實係三上悠亞「經歷偶像時期嘅自我肯定感低谷，決心轉生成『三上悠亞』、立於性感女演員頂點、三十歲後依然光彩動人」嘅原因。具體黎講就即係總結佢過去十年經過多次「Trial & Error」後嘅75條美容心得，涵蓋護膚、化妝技術、化妝品、修身飲食，以至保養眼睫毛、胸部，甚至教埋你「如何設定心態，成為三上悠亞」，反正就係女性全身上下裏外、方方面面都有照顧到，你睇完本書再跟住做，就可以變到三上悠亞咁可愛！

咁如果你話「我係一個男粉，對美容變靚冇咩興趣」又點呢？放心，三上悠亞都有照顧到你。事關早前佢於個人IG宣傳新書時，就同步發放6張性感宣傳圖——又或者係「成果展現圖」——等大家睇清楚佢嘅美貌、美臀及美胸。唔想睇書咪睇相囉！唔係個Post嗰12萬Like喺邊到黎呀？