平時夜媽媽唔瞓覺、對住電腦睇日本「動作片」嘅大家，相信都會知道日本有個非常出名、出名到就叫做「那個泳池 (例のプール)」嘅泳池。由於歷年黎有好多男女演員曾於呢個泳池上演連場大戰，令佢成為唔少觀眾心目中嘅性…「勝地」。而近日有位日本「Plarail」創作者，就將「那個泳池」變成鐵道世界，仲吸引到唔少爸爸表示要帶埋個仔去參觀，創造父子回憶。

皆様、大変長らくお待たせ致しました。

プールでプラレールやりました‼️

お約束は果たせましたよ。 https://t.co/6f7fbEjOfB pic.twitter.com/jRUDs6Niz9

— プラレールの宿の松岡さん (@plarail_bot) August 20, 2023

話說「Plarail」係由Takara Tomy推出嘅一款兒童向鐵道玩具，簡單黎講就係會不停推出各種路軌、列車組件，讓玩家建設屬於自己嘅鐵路世界。而X (Twitter)上嘅「プラレールの宿の松岡さん」就係一名專門製作「Plarail」相關內容嘅創作者，佢於7月時發文，表示如果有超過一萬個讚好，佢就會將「那個泳池」變成「Plarail鐵道大會」。結果帖文吸引到超過6萬個讚好，而佢亦於日前「找數」，公開最終嘅建設成果。

該「找數帖文」一出，除咗吸引大量網民讚好外，亦有人盛讚係「男人的浪漫」、「滿足男孩及男人嘅慾望」。唔少人亦希望「松岡さん」公開整個製作過程。

順帶一提，大家或者都會發現，「那個泳池」近年嘅出鏡率大減。翻查報導，台灣AV達人「一劍浣春秋」曾於2020年撰文，表示由於每次拍攝完都要花費大量人力物力清潔男女優嘅「遺留物」，包括整個泳池都要放水消費毒，所以擁有者嘅管理成本其實非常高；另一邊廂日本片商受疫情影響緊縮開支，預約場地嘅預算就更加少，所以未來大家能夠見到「那個泳池」嘅機會應該會越黎越少。