近年唔少香港人都愛上行山，貪其遠離人煙自由自在。但又唔以為附近冇人就做咩都得，因為今日網上就流傳一組照片，指有位專業測量師無意間撞破有人於鳳凰山頂「野外露出」。

跟據Facebook上嘅「程總裁在國金89樓」專頁指出，傳聞有位測量師於位於大嶼山南邊嘅石鼓洲工作，並試圖利用超長距嘅專業儀器量度所在地與鳳凰山山頂標高柱之間嘅數據，點知從儀器中就見到標高柱旁邊有疑似一男一女「野外露出」。從「程總裁在國金89樓」發佈嘅圖片可見，該名女子疑似四肢觸地趴在地上，而男子就於其後捉著女子嘅腰部。

而另一網民亦於下方留言處發佈另外兩張圖片，分別見到男子疑似用手將女子頭部按向自己下身，以及一名身穿瑜伽褲的女子，與男子面對面站立。

圖片：Paul Lo

「程總裁在國金89樓」嘅帖文吸引唔少網民留言，其中包括填詞人梁栢堅。梁栢堅留言道：「鳳凰山發射站pop up store」，亦有網民留言「佢都係發射站」。另外亦有驚嘆相中二人「行咁高，沒腳軟，難練功呀！」，又或「肯肯定被毒蛇咬，要即場啜毒」。

資料來源：程總裁在國金89樓 on Facebook