約會時究竟邊個畀錢，素來都係兩性之間嘅熱門爭論。而近日著名AV女優深田詠美就突然加入呢個爭論，並表示男人應該要畀哂錢。不過佢提出嘅理據就遭日本網民大力批評，最後仲要刪文，究竟佢講咗啲咩呢？

圖片：深田えいみ @FUKADA0318

據專門報導日本網絡熱話嘅Twitter用戶「滝沢ガレソ (@takigare3)」紀錄，深田詠美於日本時間週日傍晚突然發文，表示約會時男人係理應要畀哂錢。而佢提出嘅理據係「女性為咗約會要準備洋服 (靚衫)，化妝、美容，全部都唔平架，一支唇膏都要4000Yen啦！而且仲因為想你讚我好可愛，我要好早起身準備。考慮埋呢啲嘅話，你係應該要畀哂錢架！」

此番言論一出，男女網民都紛紛發表意見。其中有人認為深田詠美講得啱，但亦有唔少人留言「唔好為咗個唔值得嘅女人畀錢」，更有人語帶雙關地話「咁係咪要計埋個女仔整容嘅錢落去？」由於個討論漸漸失控，所以最後深田詠美選擇刪文。

【定番議論】人気AV女優 深田えいみさん「女性はデートの準備で早起きしてメイクする上に洋服代/美容代がかかるからデート代は男が払うべき」と持論語る
↓
《ほんとそれな…》《よく言ってくれた！》《払う価値のない女には払わないだけ》《整形代も勘定に入れてそう》
↓
微妙に議論が荒れてツイ消し pic.twitter.com/p6Sr1h4DZT

— 滝沢ガレソ???? (@takigare3) February 13, 2023

可惜網絡世界「凡走過必留下痕跡」，「滝沢ガレソ (@takigare3)」就將深田詠美嘅發文截圖落黎供網民繼續討論。有人就話「你買支唇膏係一次過搽哂上咀架？」，亦有話畀錢唔係問題，呢種「奉旨」嘅態度先最乞人憎。同時亦有人好理性地話，深田詠美呢個計法係完全忽視男仔都要為約會而準備，例如油錢、日本路費、美容 (如剪髮)費用等，計落嘅錢唔一定畀女仔少。更有人笑言，「醫禿頭都要用300萬Yen啦！」當然亦有人提出另類嘅AA方法：「房錢你畀，安全套我買。」