唔少遊戲中嘅女角由內到外都非常吸引，導致一班玩家紛紛高呼某個角色係「我老婆」，例如《FF7》中嘅Tifa及Aerith兩大女角，更加係迷倒過唔少當年血氣方剛、近年有心有力嘅麻甩佬，而依家你仲有機會將兩個老婆一齊帶返屋企——唔係海報、唔係Figure，係兩個真人大小，「功能」齊備嘅老婆！

泰國「人偶」製作商「Anime Doll TH」日前公佈咗旗下「GAME Lady」系列嘅最新作，即係一個高168cm、重39kg、三圍係33-24-38嘅《FF7》Aerith真人大小人偶。其特別之處除咗係真人大小，以及外觀與Aerith非常似樣之外，更重要嘅係衣服下嘅「細節」都應有盡有，而且皮膚用上高級矽膠，配合可動骨架以及冇任何發聲功能，比起任何一個真人老婆都符合男人嘅心。

而早前佢哋亦推出咗同款嘅Tifa人偶，身高、體重、三圍以至「細節」都與Aerith一樣。

值得一提嘅係，呢兩個人偶唔單只可以望，從「Anime Doll TH」於Twitter上公佈嘅「細節近鏡影片」黎睇，似乎仲可以「用」。目前淨係Alice嘅預購價要92,400泰紙，即係約HK$21,400，要埋Tifa即係大約四皮幾嘢港紙——四皮幾嘢兩個老婆喎！抵啦！

資料來源：Anime Doll TH