SOD呢個品牌，相信各位男士都知係咩，亦一定有睇過佢咃嘅作品、迷過佢哋旗下嘅女優。但你有冇諗過有一日，你唔單止親眼睇到SOD嘅員工，仲可以聽到、聞到甚至品嚐到SOD嘅味道？只要去將於歌舞伎町開設、樓高5層嘅「SOD Land」就得啦！

卻說早年SOD曾經開設過「女子社員酒場」、「Syain Bar」等以「SOD女子職員及 (有著衫嘅) 女優做Waitress」為賣點嘅期間限定酒吧，結果大受歡迎，於是SOD就決定喺歌舞伎町租一整柚樓高5層嘅建築物，改造成「大人的主題樂園」SOD Land。實際上其實就係5層有不同主題嘅酒吧。

SOD Land總共有5層，地下為入口、收銀處兼SOD產品販售區；地下一層就係會有「剛出道或準備出道嘅女優」做侍應嘅「SOD女子社員酒場 ウブ新入社員店」；二樓係模仿風俗店，亦真係有風俗孃黎Serve大家嘅「カクブツサロン (歌舞伎町Salon)；三樓係有知名SOD女優坐陣嘅「SOD Syain Bar KABUKICHO」；三樓就係最特別嘅「Silent Bar」，入面會有水著美女於單面反光鏡後為大家調酒，但所有人客都唔能夠出聲。

特別要提一提，SOD Land嘅本質係一間酒吧，所以無論去邊層都好，人客都係全程著好衫，亦唔會有大家睇片時會見到嘅服務。另外疫情期間亦會做好防疫措施。有機會大家就要去參觀下啦。