隨住流動通訊技術不斷進步，依家電話上網已經講緊5G，而日本三大電訊商之一au亦喺早前宣布關閉3G網絡服務。為咗紀念呢個歷史時刻，另一間電訊商Docomo就推出「掀蓋電話畢業禮」影片，帶大家回顧3G網絡時代嘅生活。唔知各位見到一大抽電話繩、將機身黐滿閃石、用sms/email傳情嘅片段，有冇勾起你當年嘅美好回憶呢？

從片中可以見到，400幾部象徵住3G時代嘅掀蓋電話，全部好似畢業生咁喺禮堂台上整齊排列並奏起畢業歌，之後畫面就閃過多個3G網絡生活嘅畫面，例如用SMS傳情、將貼紙相黐落電話、用閃石貼紙為機身扮靚靚、仲有當年大家都好興用勁大抽嘅電話繩等等。隨即引起大量網友共嗚，截至目前共錄得約24萬觀看次數。