日本航空（JAL）宣布，將於今個月19號開始喺成田及羽田機場國際航班引入「Face Express」人臉辨識技術。旅客只需要到專用櫃台掃瞄護照同掃埋個樣，之後無論托運行李、過關、更甚至登機都唔使用出示護照，而全日空（ANA）亦都相討緊引入相同系統。希望等到第時開返關，大家唔使再喺日本機場排餐死等Check-in！

據官方介紹，「Face Express」由NEC（日本電氣）開發，採用NEC「Bio-IDiom」先進生物辨識驗證技術，為現時全球最高精準度人臉辨識系統，從4月開始已經展開測試，直到今月19號正式引入。唔單止可以方便乘客辦理各種手續，仲可以做到全程零接觸，降低病毒感染風險。

可能大家聽到「人臉辨識」四隻字就驚個人資料外洩，不過又唔使咁擔心嘅，官方強調「Face Express」所有登記資料將於24小時內自動刪除。

資料來源：ねとらぼ、NEC、Narita Airport