疫情之下，全球最需要的日用品可能是口罩或防疫面罩，究竟大家仲要帶罩帶幾耐呢? 相信無人可以答到你，所以防疫產品至今仍然有價有市，甚至亦有人繼續研發更出色嘅出品。

近日，一款全新研發當中嘅面罩「The BLANC」，有別於一般嘅口罩面罩，帶左佢基本上係完全睇唔到你個樣，十足十五色戰隊入面嘅戰士。

「The BLANC」由Phillip Egorov設計，主要以砲子樂團作為設計靈感，面罩唔單止擁有180度嘅全方位保護，內裡亦設有兩個高效並可更換嘅HEPA濾芯，從而過濾病毒，包括新冠病毒。除左過濾病毒之外，「The BLANC」更可以避免人臉識別嘅掃瞄監控，令用家增強私隱安全。

另外，面罩亦極具個人化，因為可以選擇嘅外型顏色、花紋超過100種，絕對可以滿足你獨有嘅個性。有指未來面罩將會加入藍芽功能、揚聲器等，到時用家仲可以用面罩黎連接手機聽音樂，真係方便到爆！

圖片來源: kickstarter.com