智能眼鏡，或者Pro啲講「頭戴式智能設備」其實已經講咗好多年，但各個廠商一直都未能拎出一個成功嘅設計，更加唔好話要普及。但據《The Information》報導，Apple就正與台灣富士康研發AR眼鏡，而且已經進入試製階段。假若真係成功推出，以Apple嘅人氣，或者會將「頭戴式智能設備」帶入另一個層面？

圖片來源：Gizmochina

據Patently Apple報導，Apple於過去半年已經向美國當居提交咗最少30個與眼鏡或配件相關嘅專利申請，最新消息就指Apple正與台灣富士康試製適用於AR眼鏡嘅半透明鏡片。半透明鏡片容許用家睇到實物之餘，亦可以有效投射/顯示輔助資訊，乃係AR眼鏡最主要嘅部份之一。有消息指AR鏡片製作能夠脫離原型，進入試製，代表可能只需2到3年就可以進入大量生產，到時距離上線亦只有一步之遙。